Tregtia me Kosovën e RMV “kushton” më shumë – Shifrat e INSTAT tregojnë çfarë ka ndodhur me shkëmbimet tregtare në 4 muaj
Shqipëria ka rritur ndjeshëm nivelin e shkëmbimeve tregtare me rajonin në muajt e parë të këtij viti, të paktën në vlerë monetare. Në periudhën janar-prill 20222, Shqipëria ka eksportuar në Kosovë mallra në vlerë 12.8 miliardë lekë, duke njohur një rritje me 3 miliardë lekë më shumë se në të njëjtën periudhë të një viti më parë.
E njëjta tendencë konstatohet edhe më importet. Në 4 muajt e parë të vitit, Shqipëria importoi nga Kosova mallra me vlerë 4.7 miliardë lekë, duke njohur një rritje me 1.9 miliardë lekë më shumë se e njëjta periudhë e një viti më parë.
E njëjta tendencë konstatohet edhe në shkëmbimet tregtare me Maqedoninë e Veriut.
Në 4 muajt e parë të vitit, Shqipëria eksportoi në Maqedoninë e Veriut mallra me vlerë 6.1 miliardë lekë, duke njohur edhe këtu një rritje më më shumë se 3.1 miliardë lekë në krahasim me të njëjtën periudhë të një viti më parë.
Sa i përket importeve nga Maqedonia e Veriut, rezulton se Shqipëria ka importuar mallra në vlerë 4.8 miliardë lekë, duke njohur rritje me më shumë se 1.5 miliardë lekë në krahasim me një vit më parë.
Ajo që duhet evidentuar është se një impakt të rëndësishëm në rritjen e vlerës së shkëmbimeve tregtare e ka rritja e përgjithshme e çmimeve të produkteve dhe të naftës, që sjellin një rritje të vlerës, e që jo domosdoshmërish nënkupton se ka një rritje të volumit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.