Tregtia midis Rusisë dhe Indisë do të arrijë në 30 mld dollarë deri në vitin 2025

Vëllimi i tregtisë midis Rusisë dhe Indisë ka tejkaluar 9 miliardë dollarë vitin e kaluar dhe do të rritet më tej me vendet që synojnë të nxisin tregtinë dhe të inkurajojnë investimet, sipas Presidentit rus Vladimir Putin.

“Ne kemi vendosur një objektiv të rritjes së qarkullimit tregtar në 30 miliardë dollarë … dhe rritjes së investimeve në 15 miliardë dollarë deri në vitin 2025,” tha Putin një vizitë zyrtare dy-ditore në Indi.

Putin tha se zgjerimi i ndërveprimeve të tregtisë dhe investimeve është një përparësi për të dy vendet. Ai vuri në dukje se “nëse lëvizim me një ritëm të tillë, ne do të arrijmë objektivin para kohe dhe do të vazhdojmë zgjerimin”.

Statistikat treguan se tregtia midis Rusisë dhe Indisë u rrit me 20 për qind në periudhën janar-korrik, duke arritur në më shumë se 6 miliardë dollarë.

Muajin e kaluar, Nju Delhi propozoi ngritjen e një zone të veçantë ekonomike për kompanitë ruse.

Më parë, të dy vendet diskutuan krijimin e një ‘korridori të gjelbër’ për tranzitin e qetë të mallrave. Ata dëshirojnë të krijojnë një listë të sipërmarrësve apo kompanive, mallrat e të cilave do të përjashtohen nga inspektimet e rregullta doganore.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.