Tregtia në kushte pandemie/ Sa ushqime e pije importoi Shqipëria në mars? Të gjithë grupmallrat “gropë”, me përjashtim të njërit

Gjatë muajit mars, Shqipëria ka importuar rreth 400 milionë lekë më shumë ushqime, pije e duhan. Referuar të dhënave të tregtisë së jashtme, në total gjatë muajit mars Shqipëria ka importuar 9.8 miliardë lekë nga ky grup mallrash. Në marsin e vitit të kaluar, vlera e importeve të këtij grupi ishte rreth 9.4 miliardë lekë.

Ndërkohë, të gjithë grupmallrat e tjerë kanë pësuar rënie të fortë.

Në grupin minerale, lëndë djegëse dhe energji elektrike këtë mars Shqipëria importoi rreth 1.9 miliardë lekë më pak, produkte kimike dhe plastike rreth 1.3 miliardë lekë më pak, lëkurë dhe artikuj prej tyre rreth 600 milionë lekë më pak, prodhime druri dhe letre rreth 400 milionë lekë më pak, tekstile dhe këpucë rreth 2.9 miliardë lekë më pak, material ndërtimi dhe metale rreth 2.9  miliardë lekë më pak dhe makinmeri e pajisje këmbimi rreth 4.2 miliardë lekë mapk se në marsin e vitit të kaluar.

Ndikim në këtë rast ka pasur mbyllja e kufijve dhe masat e tjera parandaluese për përhapjen e pandemisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.