Tregtia neto në Kinë – Fuqizohen eksportet. Importet bien më shumë nga sa pritej
Eksportet kineze janë rimëkëmbur në muajin Mars, por importet janë tkurrur për të katërtin muaj radhazi, duke ofruar një perspektivë miske mbi ekonominë.
Investitorët shpresojnë për një rimëkëmbje të ekonomisë kineze që do të zbusë shqetësimet mbi ngadalësimin ekonomik botëror, pasi Fondi Monetar Ndërkombëtar bëri zhvlerësimin e tretë për vitin 2019. Analistët thonë se rritja e eksporteve mund të jetë rezultat i faktorëve sezonalë dhe jo tregues për rimëkëmbjen botërore.
Eksportet gjatë Marsit u rritën me 14.2% me bazë vjetore, që është norma më e lartë në 5 muaj. Importet, ranë me 7.6%, shumë sipër projeksioneve për një rënie me 1.3%. Kjo bëri që vendi të regjistrojë një suficit tregtar prej 32.6 miliardë dollarë për muajin. Kina ka publikuar edhe të dhënat mbi kredinë, që ndryshe nga tregtia, ishin tejet pozitive.
Bankat kineze kanë dhënë 251.5 miliardë dollarë kredi të reja neto në valutën vendase në Mars, shumë sipër projeksioneve, ndërkohë që politikë bërësit kanë nxitur bankat që të shtojnë kreditimin ndaj kompanive të vogla, pavarësisht rrezikut të kredive të këqija. Rritja e fortë e kreditit përforcon pritshmëritë e analistëve se ekonomia do të stabilizohet më vonë gjatë vitit.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.