Tregu i kafshëve të gjalla në Fier – Çuçi: Brenda vjeshtës do të vihet në funksionim projekti me një kapacitet prej 3 mijë krerësh
Ministri i Bujqësisë dhe Zhvillimit Rural ka bërë me dije se brenda vjeshtës do të vihet në funksionim tregu i kafshëve të gjalla në Fier. Sipas njoftimit ky është një investim i përbashkët i bashkisë dhe projektit TAP, që do të rregullojë përfundimisht shitjen e kafshëve të gjalla në këtë qark. Kapaciteti i tregut është për rreth 3 mijë krerë.
“Veç kushteve e standardeve më të mira, pjesë e tregut është edhe një thertore për raste emergjente, si dhe hapësira e shfrytëzueshme për panaire të ndryshme si dhe ky investim është një model shumë i mirë që mund të aplikohet edhe në zona të tjera të vendit,” tha Çuçi.
Çuçi është shprehur gjithashtu se pas disiplinimit të thertoreve, rregullimi i tregjeve për shitjen e kafshëve të gjalla është një tjetër ndërhyrje e domosdoshme.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.