Trendet e udhëtimit në 2018 – Italianët zgjdhin Europën Lindore. Në vend të parë Shqipëria
Portali për strukturat dhe rezervimin e fluturimeve Volagratis, që është pjesë e grupit lastminute.com, përpiloi listën me destinacionet më të mira që do të vizitohen vitin e ardhshëm.
Renditja, e cila përfshin destinacione që kanë parë rritjen e numrit të rezervimeve në internet dhe numrin e përdoruesve italianë, evidenton se 8 nga vendet e listuara i përkasin Evropës Lindore.
Shqipëria, një territor i pa eksploruar e me potencial, por ende i panjohur për një numër të madh turistësh, renditet i pari. Në vitin 2017, ka pasur një rritje 88% në rezervime krahasuar me vitin e kaluar.
Destinacione të tjera që tërheqin në lindje janë: Bjellorusia me 68% ku ndodhet kalaja Mir, Trashëgimia Botërore e UNESCO-s, Moldavia me 50%, Bullgaria me 42%, Uzbekistani me 38%, Maqedoni me 33% dhe Republika Çeke me 29%.
Destinacioni klasik i pushimeve për të rinjtë dhe familjet mbetet Kroacia me 46%, që ka përfituar edhe nga seriali televiziv Game of Thrones.
Po ashtu Namibia me 44% renditet në listë për t’u vizituar gjatë muajit maj ose tetor. Ndërkohë Mianmari me 43%, është një destinacion i përkryer për muajin dhjetor deri në shkurt.
Finlanda me 40% e renditur në listën e destinacioneve më të mira për t’u vizituar, preferohet në mes të muajit shkurt dhe mars ose midis shtatorit dhe tetorit.
Në vendin e fundit në top listë, renditet Jordania me 28% ku ka shumë shtylla tërheqëse nga qyteti antik i Petrës. Momentet më të mira për të vizituar këtë vend janë pranvera dhe vjeshta, në mënyrë që të shmanget nxehtësia e verës dhe erërat e ftohta të dimrit.
Genta Dobra/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.