Trump, Biden japin mesazhe të ndryshme: “Zgjedhje mes boom-it ekonomik të Trump dhe karantinës së Biden”
Presidenti Donald Trump dhe rivali i tij demokrat Joe Biden, kanë dhënë mesazhe tërësisht të ndryshme gjatë fundjavës mbi pandeminë e koronavirusit, duke vazhduar garën për Shtëpinë e Bardhë, ndërkohë që rastet janë rritur përsëri. Trump foli përballë mijëra mbështetësve në Karolinën e veriut, që është një nga shtetet e betejës në zgjedhjet e 3 Nëntorit. Ai tha përsëri se Amerika ndodhet në fund të luftës me Covid-19 dhe përqeshi qasjen më të kujdesshme të Biden.
Ish-zv/presidenti foli përballë mbështetsve në Pensilvani, ku paralajmëroi për një Dimër të zymtë, nëse administrate e Trump nuk ndalon sëmundjen. Sondazhet tregojnë se Biden ndodhet në avantazh në rang kombëtar, por gara është e vështirë në shtete të betejës, që do të vendosin zgjedhjet. Trump i tha mbështetësve në Karolinën e Veriut se ai do të ofrojë një rimëkëmbje të shpejtë ekonomike nga kriza e koronavirusit, që ka goditur rëndë bizneset e vogla dhe ka rrezikuar vendet e punës së miliona amerikanëve.
“Është zgjedhja mes një super boom-i të Trump dhe një karantine të Biden”, – tha Trump, duke përsëritur se Amerika është pranë mposhtjes së virusit. Nga ana tjetër, Biden paralajmëroi se muajt e ftohtë mund të jenë edhe më të ashpra për shkak të fuqizimit të virusit. “Do të jetë një dimër i zymtë, nëse nuk ndryshojmë mënyrën se si po luftojmë”- tha garuesi demokrat. Mbështetësit e Biden, ishin mbledhur në kamionçina apo makina, për të shmangur infektimin. Fushata e Bdien limitonte çdo makinë tek një maksimum i 4 pasagjerëve.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.