Trump do e shikojë gjyqin e fajësimit nga shtëpia e pushimeve – “Jo fundi i karrierës politike, por fillimi i një faze të re”
Gjyqi i dytë i fajësimit të Donald Trump duhet të shënojë një minimum të të gjitha kohërave për ish-presidentin.
Ai do të jetë i vetmi president në histori që do të kalojë poshtërimin e dy gjykimeve të fajësimit të Senatit.
Gjatë procedurave që do të shtrihen në javën e ardhshme, demokratët planifikojnë ta bëjnë sjelljen e Trump gjatë muajve të fundit në detyrë një njollë të pashlyeshme në demokracinë amerikane.
Sipas dokumenteve, ata do ta akuzojnë Trump për nxitjen e teorive të pabaza konspirative se zgjedhjet iu vodhën dhe duke bërë një fjalim që nxiti kryengritjen e dhunshme të Kapitolit e cila mori pesë jetë.
Ndërkohë, plani i Trump është që ta shikojë gjyqin nga vendpushimi i tij Mar-a-Lago në Florida, pasi nuk kishte pranuar të paraqitej në gjyq.
Në ditën që fillon gjyqi, perspektiva e senatorëve Republikanë të anojnë me Demokratët për të siguruar një dënim mbetet e largët.
Në një votim të fundit të Senatit mbi kushtetutshmërinë e fajësimit, të gjithë, përveç pesë senatorëve Republikanë votuan për ta refuzuar krejtësisht gjyqin.
Insided zbuloi javën e kaluar se Trump po planifikon një “turne hakmarrjeje” pas gjyqit për të bërë fushatë kundër kundërshtarëve që ka në partinë republikane.
Rrjedhimisht, gjyqi i dytë i fajësimit mund të mos shënojë fundin e karrierës politike të Trump, por fillimin e një faze të re.
Dosti Banushi – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.