Trump ‘kundër’ Fed? – Dollari i fortë dëmton konkurrencën në SHBA

Presidenti Donald Trump tha se politika e shtrënguar monetare e bankës qendrore amerikane po kontribuonte për një dollar të fortë dhe kjo po dëmtonte konkurrencën e Shteteve të Bashkuara.

“Dua një dollar të fortë, por dua një dollar që është i madh për vendin tonë, jo një dollar aq të fortë sa të jetë e ndaluar të kemi marrëveshje me kombet e tjera”-tha Trump në Konferencën vjetore të Veprimit Politik Konservator në Oxon Hill, Maryland.

Trump, i cili e ka bërë ekonominë një pjesë të rëndësishme të platformës së tij politike, ka kritikuar vazhdimisht Rezervën Federale dhe kryetarin e saj, Jerome Powell, të cilin ai e caktoi për të kryesuar Fed, për rritjen e normave të interesit. Banka Qendrore e SHBA pasi rriti katër herë normat e interesit vitin e kaluar, ka sinjalizuar kohët e fundit se do të ketë “durim” përpara se të shtyjë më tej politikën monetare. Kjo, vjen si shkak i shqetësimeve në rritje rreth pikëpamjes ekonomike në mes të paqëndrueshmërisë së tregjeve financiare, ngadalësimit të rritjes globale dhe luftës tregtare midis Shteteve të Bashkuara dhe Kinës .

Një monedhë më e dobët në përgjithësi e bën eksportin e një vendi më konkurrues. Powell ka thënë se nuk do të lëkundet nga presioni politik dhe ka dhënë një pohim të qartë të pavarësisë së Fed në fillim të janarit, kur ai tha se nuk do të japë dorëheqjen edhe nëse Trump i kërkon të heqë dorë.

Lehtësimi sasior ishte termi që aplikohet në masën e jashtëzakonshme të Fed-it për blerjen e sasive masive të obligacioneve të qeverisë amerikane për të ndihmuar në nxitjen e rritjes ekonomike gjatë krizës financiare. Masa u ndërmor për të ulur normat e huadhënies afatgjatë pasi Fed kishte ulur normën e saj të interesit brenda një dite.

Fed ka zvogëluar bilancin e saj prej 4 trilion dollarësh deri në 50 miliardë dollarë në muaj, të cilat investitorët thonë se kanë shtrënguar kushtet financiare.

Burimi:Reuters

E.T/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.