Trump ndalon “lotarinë” – Urdhri i ri ekzekutiv, stop punëtorëve nga jashtë
Presidenti amerikan Donald Trump do të firmosë një urdhër të ri ekzekutiv, duke urdhëruar kështu në mënyrë të drejtpërdrejtë agjencitë federale që të ndryshojnë përkohësisht programin e vizave që ka për synim të sjellë forcë punëtore nga jashtë për punonjësit e kualifikuar.
Urdhri ka për synim të ulë ndjeshëm numrin e atyre që vijnë nga jashtë për të punuar në Amerikë, duke inkurajuar në këtë mënyrë punësimin e amerikanëve, dhe vjen në kuadër të sloganit të tij të famshëm; `Amerika e Para`.
Urdhri ekzekutiv do të kërkojë shtrëngim të rregullave dhe ligjeve të pranimit të punëtorëve të huaj. Veç krijimit të vendeve të reja të punës për amerikanët, urdhri më i ri i Donald Trump kërkon edhe që të prodhojë një rritje më të madhe të pagave në vend.
Urdhri i referohet vizave të tipit H-1B, për personat e kualifikuar. Shtetet e Bashkuara vënë në dispozicion rreth 65 mijë viza të tilla çdo vit nëpërmjet një sistemi lotarie.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.