Trump nuk tallet – Kina përgatit uljen e tarifave për makinat e prodhuara në SHBA
Kina po vendos të ulë tarifat ndaj makinave të prodhuara në SHBA, një hap që u bë publik fillimisht nga Donald Trump, gjatë bisedimeve mbi tregtinë në Argjentinë. Propozimi për të ulur tarifat ndaj makinave të importuara nga SHBA në 15% nga 40% është dërguar në kabinetin kinez për rishikim, sipas Bloomberg.
Aksionet e BMW, Ford dhe Tesla u rritën pas lajmërimit. Megjithatë, ky hap nuk është përfunduar ende dhe mund të ndryshojë. Zyrtarët kryesorë të tregtisë në SHBA dhe Kinë kanë biseduar me telefon në nisje të javës, duke treguar se dialogu mes 2 vendeve për tregtinë po vazhdon.
Makinat më të shitura në Kinë këtë vit do të jenë markat gjermane të prodhuara në SHBA; Mercedes dhe BMW. Kjo e fundit, që eksporton modelet SUV nga SHBA në Kinë, pati rritje në treg me 3% në 72.2 euro për aksion. Prodhuesi i makinave luksoze në Gjermani ka thënë më parë se tarifat do t’i kushtonin 300 milionë euro vetëm për këtë vit. Daimler ka thënë që tarifat do të jenë arsyeja kryesore e rënies së fitimit dhe u rrit në vlerë tregu me 3.5%.
Volkswagen shtoi 4.5% në treg, ndërsa Ford u rrit me 2.7% përpara se të nisë tregtia amerikane. Në muajin Korrik, Kina rriti tarifat ndaj makinave të prodhuara në SHBA në 40%, në kundërpërgjigje të masave amerikane. “Kina ka rënë dakord të ulë dhe heqë tarifat ndaj makinave amerikane që janë aktualisht në 40%” – shkroi Trump në Twitter pas takimit në Argjentinë.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.