Trump, ofertë për mbylljen e Qeverisë – Propozon lehtësi për disa emigrantë në këmbim të murit
Presidenti i Shteteve të Bashkuara propozoi një marrëveshje të emigracionit në përpjekje për t’i dhënë fund mbylljes 29-ditore të Qeverisë. Megjithatë, zëdhënësja e Shtëpisë së Përfaqësueseve Nancy Pelosi dhe demokratët e tjerë, e refuzuan menjëherë planin.
Presidenti i Shteteve të Bashkuara propozoi një marrëveshje të emigracionit në përpjekje për t’i dhënë fund mbylljes 29-ditore të Qeverisë. Megjithatë, zëdhënësja e Shtëpisë së Përfaqësueseve Nancy Pelosi dhe demokratët e tjerë, e refuzuan menjëherë planin. Trump i qëndroi kërkesës së tij se 5.7 miliardë dollarësh për murin do të jetë pjesë e paketës për të rihapur qeverinë, një ultimatum që demokratët e kundërshtojnë. Megjithatë, presidenti shpresonte se ofrimi i mbrojtjes për disa emigrantë pa dokumenta , do të përfundonte konfliktin 1 mujor në Kongres. Në një fjalim në Shtëpinë e Bardhë, Trump ofroi të rrisë mbështetjen ndaj emigrantëve të rinj pa dokumenta, që njihen si “ëndërrimtarët”, si dhe për mbajtësit e statusit të mbrojtjes së përkohshme (TPS).
“Për të siguruar fizikisht kufirin tonë, plani përfshin 5.7 miliardë dollarë për murin. Kjo nuk do jetë një strukturë betone 2,000 milje nga deti në det, por një barrierë çeliku në vendodhje me prioritet të lartë. Ka 2 elementë të tjerë në planin tim. I pari është 3 vite lehtësim për emigrantët e rinj që sillen në mënyrë të jashtë ligjshme nga prindërit e tyre. Së dyti, plani ynë ofron 3 vite të zgjatjes së Statusit të Mbrojtjes së Përkohshme, që përfshin mbi 300,000 emigrantë.”
Trump tha se Lideri i Mazhorancës në Senat, Mitch Mçonell do të përpiqet të kalojë shpejtë propozimin. Menjëherë pasi foli, Pelosi, tha se oferta është e papranueshme dhe se nuk përfaqëson një përpjekje të sinqertë për të mbrojtur jetën e njerëzve. Mbyllja e Qeverisë ka bërë që 800,000 punonjës federalë të punojnë pa pagesë që prej 22 Dhjetorit.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.