Trump paralajmëron se do të mbyllë kufirin e Meksikës- Kërcënohet tregtia me vlerë miliarda dollarë!
Presidenti Donald Trump ka thënë se ai mund të mbyllë kufirin amerikan nëse Meksika nuk bën më shumë përpjekje për të ndaluar emigrantët që hyjnë në Shtetet e Bashkuara. Mbyllja e kufirit do të pengonte kalimet kufitare, duke kërcënuar tregtinë me vlerë miliarda dollarë. Kërcënimi i Trump vjen nga një rritje e emigrantëve që vijnë nga Meksika për të kërkuar azil në SHBA. Ministri i Jashtëm Marcelo Ebrard tha se Meksika ishte një “fqinj i madh” i SHBA dhe se nuk do të vepronte në bazë të kërcënimeve.
“Ka shumë mundësi që unë të mbyll kufirin javën e ardhshme. Eshtë shumë e lehtë për Meksikën që të ndalojë njerëzit që të emigrojnë, por ata nuk zgjedhin ta bëjnë këtë.’’- deklaroi Trump përpara gazetarëve.
Presidenti amerikan ka udhëzuar gjithashtu departamentin e shtetit, që të ndërpresë të gjithë ndihmën e drejtpërdrejtë në El Salvador, Honduras dhe Guatemalë, vende nga të cilat vijnë shumë nga emigrantët. Pas lajmeve të presidentit Trump, presidenti i Meksikës López Obrador u tha një numri mbështetësish se : “Dua ta bëj të qartë se nuk do të luftojmë me qeverinë e Shteteve të Bashkuara.’’
Ai i referohej emigrimit si një “të drejtë njerëzore” dhe është shprehur se njerëzit në Amerikën Qendrore nuk kanë asnjë mundësi, kështu që ata filluan të kërkonin një mënyrë për të fituar jetesën.
Zyrtarët e Departamentit të Sigurisë Kombëtare thanë se kufizimet kufitare në mars pritet të arrijnë 100,000, më të lartat në një dekadë. Më shumë se 1,000 fëmijë të pashoqëruar janë në mesin e atyre që aktualisht janë në paraburgim.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.