Trump, pranë shitjes së hotelit në Washington – WSJ: Do të shesë të drejtat e hotelit ikonë ku bëhen mbledhje të profilit të lartë
Kompania e familjes së ish-presidentit të Shteteve të Bashkuara, Donald Trump, ndodhet në bisedime të fazës së fundit për të shitur të drejtat e hotelit në Washington, në një marrëveshje me vlerë mbi 370 milionë dollarë, sipas një raportimi të Wall Street Journal. Firma e investimeve me seli më Miami, CGI Merchant Group, po bisedon për të blerë të drejtën për të dhënë me qira hotelin, sipas raportit, që përmendte burime me njohuri mbi çështjen.
“Trump International Hotel” është një ndërtesë historike që organizata Trump e ofron për qeverinë federale dhe mbledhje të famshme të mbështeësve të tij, si dhe zyrtarë të lartë të jashtëm. Javën e kaluar, Komisioni i Mbikqyrjes dhe Reformave në Kongres, theksoi se dokumetat e marra së fundmi nga qeveria ngrenë pyetje shqetësuese mbi hotelin.
CGI Merchant ndodhet gjithashtu në bisedime me operatorët e hoteleve, përfshirë Waldrof Astoria, pjesë e Hilton, për heqjen e emrit Trump, në favor të një manaxhuesi tjetër të hotelit, sipas raportit. Rreth dhjetëra firma, përfshirë fonde të pensioneve dhe individë të pasur, kanë shprehur interes tek prona, sipas raportit.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.