Trump sqaron gjendjen e tij shëndetësore. Thotë se ndihet mirë, por ditët e ardhshme do të jenë “testi i vërtetë”

Presidenti Donald Trump tha në një video nga dhoma e tij e spitalit se ndihet shumë më mirë dhe se shpreson të rikthehet së shpejti, pas një dite të mesazheve kontraktuese nga Shtëpia e Bardhë mbi gjendjen e tij.   Në një video të postuar në Twitter, Trump tha se ai nuk ndihej mirë kur mbërriti tek Qendra Mjekësore Walter Reed ditën e Premte dhe se ditët e ardhshme do të jenë kritike në luftën e tij me koronavirusin.

“Doja t’ju thoja që ndihem më mirë.  Megjithatë, në ditët e ardhshme, do të jetë testi i vërtetë. Do të shohim se çdo ndodhë deri më atëherë.  Doja t’ju falënderoja për të gjithë mbështetjen që kam parë, qoftë në television apo në komente.”  

Mesazhi i presidentit erdhi disa orë pas vlerësimeve kontradiktuese nga zyrtarët e administratës, ç’ka e bënë të paqartë të kuptohej gjendja e tij shëndetësore, pasi u testua pozitiv me koronavirus të Enjten në mbrëmje.  Një ekip i doktorëve të Shtëpisë së Bardhë, bënë të ditur se gjendja e Trump po përmirësohej dhe se presidenti kërkonte të rikthehej në Shtëpinë e Bardhë.  Pas disa minutave, shefi i stafit të Shtëpisë së Bardhë, Mark Meadows, i dha gazetarëve një vlerësim më të zymtë, duke i thënë se “gjendja e presidentit në 24 orët e fundit ka qenë shumë shqetësuese dhe 48 orët e ardhshme do të jenë kritike për të”.

Meadows ndërroi ton vonë duke thënë për Reuters se Trump është mirë dhe doktorët janë të kënaqur me gjendjen e tij.  Trump u dërgua nga Shtëpia e Bardhë tek Walter Reed, pranë Washingtonit, rreth 17 orë pasmë i lajmëroi se ishte sëmurë.  Zyrtarët e administratës, që e përshkruan lëvizjen si masë paraprake, thanë se do të qëndrojë në spital për disa ditë.  Një tjetër burim kishte thënë se presidenti kishte marrë oksigjen përpara se të dërgohej në spital. Doktori i Shtëpisë së Bardhë, Sean P. Conley, tha jashtë spitalit në fundjavë se Trump nuk ka patur vështirësi në frymëmarrje dhe se nuk i është dhënë oksigjen tek Walter Reed.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.