Tryeza me dhomat e tregtisë së Ballkanit, Denaj: “Bashkëpunim për rritjen e konkurrencës dhe zhvillimit ekonomik”

Shqipëria ka marrë zyrtarisht kryesimin e CEFTA-s, një institucion i krijuar nga Bashkmi Europian për promovimin e lëvizjes së lirë të njerëzve dhe mallrave në Europën Juglindore.

Në kuadër të kësaj përgjegjësie Ministria e Financave dhe Ekonomisë do të ndërmarrë përsipër krijimin e aktiviteteve, të cilat në fokus do të kenë pikërisht lehtësimin e lëvizjes tregtare ndërmjet shteteve të Ballkanit Perëndimor.

Ministrja Denaj ka marrë pjesë në punimet e Asamblesë së Përgjithshme të Organizatës së Dhomave të Ballkanit – ABC, ku në tryezë ndodheshin drejtuesit e Dhomave të Tregtisë në Ballkan, si dhe Presidenti i Unionit të Dhomave dhe Shkëmbimit të Mallrave të Turqisë, z. Rifat Hisarciklioglu.

Në fjalën e saj ministrja Denaj ka theksuar rëndësinë e eliminimit të barriera së bashkëpunimit ndërmjet vendet në mënyrë e rritjes së konkurrueshmërisë.

Më tej, Ministrja Denaj u ndal të tre aspekte thelbësore që ndikojnë në rritjen e konkurrueshmërisë dhe zhvillimin ekonomik: Dixhitalizimi i ekonomisë; arsimi dual i ndërthurur mes teorisë dhe praktikës; intensifikimin dhe ridimensionimin e dialogut mes qeverive dhe dhomave të tregtisë.

“Si Ministre e Financave dhe Ekonomisë jam shumë e hapur për të parë mundësinë se si ta ridimensionojmë dialogun me dhomat e tregtisë. Është shumë e rëndësishme që ai të jetë i bazuar në elementë konkretë dhe analiza teknike për të sjellë dy elementë të rëndësishëm, një bazë komunikimi me fakte dhe oportunitet të dhomave ndaj anëtarëve të tyre me shërbime. Për të dy këto elementë, MFE është e hapur për të biseduar me Dhomat dhe për të parë se si të zgjerojë bashkëpunimin, por njëkohësisht të zgjerojmë anëtarësimin, i cili të jetë efektiv për të gjithë bizneset brenda dhomave”, u shpreh Ministrja Denaj.

Sipas znj. Denaj, shkëmbimi i eksperiencave mes dhomave të tregtisë është një mundësi shumë e mirë për të sjellë në vëmendje të qeverive dhe dhomave të tregtisë masat që duhet të ndërmerren për intensifikimit e dialogut dhe efektivitetin e shërbimeve ndaj biznesit, për të arritur rezultate pozitive në zhvillimin ekonomik.

Geri Kolgega / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.