Turistët në Shqipëri, 2 mld dollarë shpenzime vetëm gjatë 2017
Turistët shpenzuan rreth 2 mld dollarë në Shqipëri, vetëm gjatë vitit të kaluar bazuar të dhënave të Organizatës Botërore të Turizmit ne OKB. Sipas Agjencisë Kombëtare të Turizmit në Ballkan, harta tregon se kryeson Greqia me 17 mld dollarë, në vend të dytë Kroacia me 11 mld dollarë, e treta Sllovenia me 3 mld dollarë dhe Shqipëria me 2 mld dollarë para Malit te Zi dhe Serbisë me 1 mld dollarë.
Më të dhënat e OBT, në shpenzimet turistike përcaktohet çdo shumë e shpenzuar nga një turist ndërkombëtar përbrenda, duke përfshirë gjëra të tilla si transporti, mallrat dhe shërbimet. Shifrat e përmendura përjashtojnë turizmin vendas, duke dhënë një pamje të saktë se cilat vende varen më së shumti (dhe më së paku) në tregun ndërkombëtar të turizmit.
Ndërkohë ndër 5 vendet që kanë përfituar më shumë turistë gjatë 2017 janë: Shtetet e Bashkuara të Amerikës të cilat kryesojnë edhe listën më 221 mld dollarë, ndjekur nga Spanja me 68 mld dollarë ,Franca me 61 mld dollarë dhe Tajlanda me 57 mld dollarë. Në vendin e 5 është Mbretëria e Bashkuar me 51 mld dollarë.
e.t/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.