Turizmi i aventurës, Klosi: Objektiv, mbi 100 mijë turistë deri në vitin 2019
Turizmi i sporteve të aventurës pritet të sjellë në Shqipëri, deri në 2019, mbi 100 mijë turistë. Kështu ka deklaruar Ministri i Mjedisit dhe Turizmit Blendi Klosi në panairin e parë kombëtar të sporteve të aventurës.
Klosi kërkoi bashkëpunimin e forcave të armatosura, biznesit të Turizmit dhe rinisë për ta kthyer këtë lloj turizmi në ekonomi.
Sipas Klosit do të ndërhyhet duke shtuar aktivitete argëtuese, përmirësimin e infrastrukturës dhe siguri. Ministri bëri të ditur se në muajin mars do të ngrihen dhe ekipet profesionale të shpëtimit në ujë, tokë dhe ajër.
Në përmbyllje të aktivitetit ministrat Klosi, Nikolla dhe Alket Islami, përfaqësuesi i federatave të sporteve të aventurës nënshkruan marrëveshjen për standardizimin e aktiviteteve të Aventurës në Shqipëri për certifikimin e itinerareve sportive me qëllim turistik.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.