Turizmi në Maqedoni – Rritje prej 13.3% në janar

Numri i turistëve në Maqedoni në janar të këtij viti u rrit me 13,3% krahasuar me vitin e kaluar, duke arritur në 43220 turistë.

Turizmi i brendshëm në vend u rrit me 10.3%, në 18,189 turistë. Ndërsa turizmi i jashtëm u rrit me 15.5% në 25,031 turistë të huaj. Edhe numri i netëve të fjetura në Maqedoni u rrit në Janar me 8.1%, duke shkuar në 87,894.

Ndërkohë rritje ka dhe krahasuar me muajin e kaluar, me 2.7% në numrin total të turistëve dhe me 8.4% në numrit e netëve të kaluara në Maqedoni.

Gjithsesi vihet re se numri i netëve të kaluara nga turistët është ulur, që tregon se vendi nuk ofron ndonjë atraksion të veçantë në këto muaj.

Numri më i madh i turistëve të huaj erdhën nga Greqia, 15%; ndjekur nga Bullgaria 13.5% dhe Shqipëria 10.9%.

Në total për vitin 2016, numri i turistëve në Maqedoni ishte mbi 856 mijë, duke shënuar një rritje vjetore prej 5%.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.