Turizmi, “uri” për profesionistë – Vaqarri: Kërkesa nga bizneset shumë e lartë, studentët punësohen 100%!

Çelja e sezonit turistik rrit ndjeshëm kërkesën për staf të kualifikuar në mënyrë që t’i përgjigjet kërkesës së bareve, restoranteve dhe hoteleve.

Në një intervistë për TV SCAN, Drejtoresha e Shkollës së Mesme Profesionale Hoteleri-Turizëm në Tiranë, shprehet se kërkesa nga ana e bizneseve është tejet e lartë dhe se të gjithë nxënësit që ndjekin këtë shkollë arrijnë të punësohen që në periudhën e studimeve.

Studentët e shkollës së mesme profesionale “Hoteleri-Turizëm në Tiranë” profilizohen në disa drejtime me qëllim që të jenë të kualifikuar për gamën e kërkesave që ka tregu i punës, si bar-restorant, recepsion, kuzhinë-pastiçeri, shërbime udhëtimi dhe turizmi.

Ndërsa diploma që marrin iu jep mundësinë që të punojnë edhe në vendet europiane.

Mbi 650 nxënës ndjekin degën e hoteleri-turizimit në vit, ndërsa 150-200 diplomohen çdo vit për tu bërë një vlerë e shtuar në sektorin e turizmit.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.