Turqia drejt kufizimeve të reja anti Covid për Ramazanin / Ndalohen lutjet kolektive në xhami
Turqia po përgatitet për kufizime të reja anti-Covid në funksion të muajit të shenjtë Islamik të Ramazanit, i cili fillon nesër.
Pas shifrave alarmante të infeksioneve të regjistruara në vend ku cdo ditë ka mbi 50 mijë raste komiteti shkencor i Ankarasë mblidhet sot për të përcaktuar një seri propozimesh që do të paraqiten nesër në mbledhjen e qeverisë të kryesuar nga kreu i shtetit Rexhep Tajip Erdogan.
Përveç kufizimeve të njoftuara tashmë për bashkimet tradicionale familjare gjatë vakteve që ndërpresin ose paraprijnë agjërimin ritual dhe për lutjet kolektive në xhami, po studiohen masa të mëtejshme në përpjekje për të kufizuar infeksionet.
Midis këtyre, bllokime të reja të mundshme për kategoritë e synuara, të tilla si mbi 65 vjeç dhe nën 20 vjeç, shoqëruar me kthimin në mësimin në distancë për klasa të ndryshme.
Javën e fundit, tregojnë ekspertët, fushata e imunizimit në Turqi është ngadalësuar, me një mesatare prej më pak se 300,000 injeksione në ditë. Pothuajse tre muaj pas fillimit, vaksinat totale janë 18.7 milion, nga të cilët 7.6 milion përforcues, pothuajse të gjitha me serum kinez Sinovac. (ANSA)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.