Turqia mbyllet deri në mes të Majit – Ndalimi i shitjes së alkolit mbetet në fuqi
Një bllokim pothuajse total fillon sonte në Turqi. Bllokimi do të zgjasë deri në fund të pushimeve për muajin e shenjtë Islamik të Ramazanit, më 17 maj. Ky është izolimi më i gjatë i përgjithësuar i vendosur nga qeveria e Rexhep Tajip Erdogan që nga fillimi i pandemisë.
Objektivi i deklaruar i kufizimeve është të ulin infeksionet ditore nën 10 mijë, të cilat aktualisht arrijnë në rreth 40 mijë. Autoritetet po synojnë gjithashtu një përmirësim në funksion të sezonit turistik.
Ndër masat më të diskutuara është ndalimi i shitjes së alkoolit, i cili sipas opozitës i përgjigjet dëshirës për të kënaqur elektoratin konservator, duke pasur parasysh edhe koincidencën me Ramazanin.
Mbylljet kanë të bëjnë me të gjitha aktivitetet jo-thelbësore, me përjashtime të rralla, ndërsa supermarketet gjithashtu do të duhet të respektojnë orët e reduktuara.
Ndërkohë, fushata e vaksinimit vazhdon, që nga mesi i janarit Ankara ka administruar mbi 22 milion doza. (ANSA)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.