TVSH në hoteleri – Zyrtarizohet taksa e ulur 6 % për akomodimin

Ulja e Tatimit mbi Vlerën e Shtuar në njësitë akomoduese tashmë është efektiv.  Vendimi i qeverisë tashmë është botuar në fletoren zyrtare.

Sipas  këtij vendimi, shkalla e reduktuar e tatimit mbi vlerën e shtuar, për furnizimin e shërbimit të akomodimit në strukturat akomoduese, sipas kategorive të përcaktuara në legjislacionin e fushës së turizmit, është 6 për qind”.

Ndërkohë modeli i deklaratës së tatimit mbi vlerën e shtuar, i përcaktuar në nenin 67 të udhëzimit, zëvendësohet me modelin e ri të deklaratës së tatimit mbi vlerën e shtuar.

Gjithashtu modeli i librit të shitjeve, i përcaktuar në nenin 68 të udhëzimit, zëvendësohet me modelin e ri të librit të shitjeve.

Administrata tatimore  nëpërmjet një njoftimi zyrtar informon bizneset që të njihen më këto dy procedura të reja, të cilat i ka ilustruar edhe më formularët përkatës, si dhe  mënyrën e plotësimit.

Sipas statistikave të kësaj shoqatës së turizmit, aktualisht nga strukturat hoteliere në buxhetin e shtetit mblidhet 2 milion euro TVSH, ndërkohë që me nivelin e ri synohet dyfishimi, i efekt i formalizimit të tij.

Violeta Shqalsi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.