U konstatuan në shkelje nga AKU –  Mjekëve veterinarë u hiqet e drejta e ushtrimit të profesionit

Në vijim të masave për disiplinën e therjes së kafshëve dhe tregtimit të mishit, Autoriteti Kombëtar i Ushqimit ka konstatuar se janë bërë shkelje edhe nga vetë mjekët veterinerë.

Sipas njoftimit të AKU-së, menjëherë pas verifikimit të shkeljeve është njoftuar edhe urdhri i Mjekut Veterinar të Shqipërisë për tre raste të evidentuara në Bashkinë Durrës, Bashkinë Bilisht dhe në Bashkinë Pogradec.

Veprimet e kryera nga mjekët veterinarë ishin në kundërshtim me Kodin e Etikës Profesionale dhe sipas AKU-së, Urdhri i Mjekut Veterinar vendosi për heqjen e të drejtës së ushtrimit të profesionit të mjekut veterinar për një periudhë të caktuar mujore, bazuar në shkeljet e kryera.

Autoriteti Kombëtar i Ushqimit u bën apel të gjithë konsumatorëve që të denoncojnë çdo shqetësim pranë portalit online Inspektori Digital ose në e-mailin zyrtar të AKU-së [email protected]. Ndërkohë, njofton se do të vazhdojë të jetë konstant në evidentimin e çdo shkelje me qëllim rritjen e standardeve të sigurisë ushqimore.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.