U shtynë për shkak të koronavirusit / Zyrtarizohet data e re e fillimit të Lojërave Olimpike
Lojërat Olimpike në Tokio 2020 janë planifikuar zyrtarisht për të filluar në 23 korrik 2021. Lojërat fillimisht ishin planifikuar të fillonin në 24 korrik të këtij viti, por ato u shtynë për shkak të pandemisë koronavirus, e cila ka vrarë më shumë se 35,000 njerëz në të gjithë botën.
“Komiteti Olimpik Ndërkombëtar (IOC), Komiteti Ndërkombëtar Paraolimpik (IPC), Komiteti Organizativ Tokio 2020, Qeveria Metropolitane e Tokios dhe Qeveria e Japonisë ranë dakord sot për datat e reja për Lojërat Olimpike XXXII, në 2021”, thotë deklarata.
“Lojërat Olimpike Tokio 2020 do të mbahen nga 23 korriku deri në 8 gusht 2021. Lojërat Paraolimpike, do të festohen nga 24 gushti deri më 5 shtator 2021.”, mbyllet deklarata.
D.B -SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.