Udhëheqësit e BE shtyjnë vendimin për ‘ndryshimin e klimës’! Macron: ‘Duhet të reagojmë sa më shpejt”!
Udhëheqësit e shteteve europiane, në një takim në Bruksel, ranë dakord për të diskutuar përsëri përpjekjet afatgjata të bllokut për të luftuar ndryshimet klimatike! Vonesa i frustron aktivistët e mjedisit, të cilët argumentojnë se BE duhet të udhëheqë përpjekjet globale për të përmbushur synimin më ambicioz të marrëveshjes së Parisit në vitin 2015, për të mbajtur ngrohjen globale në 1,5 gradë Celsius deri në fund të shekullit.
“Qeveritë europiane nuk po punojnë për ndryshimin e klimës”, tha Sebastian Mang, një këshilltar i politikave me Greenpeace.
Mang përmendi paralajmërime nga shkencëtarët, se shkurtimet në emetimet e dioksidit të karbonit dhe gazrave të tjera serrë, janë të nevojshme në dekadat e ardhshme për të parandaluar nivelet potencialisht katastrofike të ngrohjes globale deri në fund të shekullit.
Presidenti francez Emmanuel Macron, i cili dy vjet më parë nisi “Samitin e një planeti” që synonte përshpejtimin e zbatimit të marrëveshjes klimatike të Parisit, tha se përpjekjet e bllokut për të luftuar ndryshimet klimatike “ishin jashtëzakonisht të pamjaftueshme”.
“Sot nuk po japim një përgjigje të qartë ndaj zotimeve që kemi bërë në Paris në vitin 2015, sfidave shkencore të theksuara nga ekspertët më të mirë dhe me padurimin e ligjshëm që të rinjtë shprehin në demonstrata e tyre çdo javë në kryeqytetet tona”, u shpreh Macron.
Disa vende, duke përfshirë Francën, Spanjën dhe Holandën, kishin propozuar që udhëheqësit të bien dakord për “një strategji afatgjatë ambicioze deri në vitin 2020 duke luftuar për neutralitetin e klimës deri në vitin 2050”.
Në Norvegji, e cila nuk është anëtare e BE, por bashkëpunon ngushtë me bllokun, mediat lokale thanë se të paktën 36,000 njerëz në të gjithë vendin morën pjesë në protestat klimatike të premten. Këshilli i qytetit të Oslos shprehu mbështetjen e vet për afërsisht 10,000 të rinj që u mblodhën jashtë Parlamentit norvegjez, si pjesë e protestave klimatike globale nga studentët.
“Sulmet e shkollës për klimën janë një sinjal i qartë nga brezi i ri që ne duhet të veprojmë tani”, tha anëtar i këshillit të qytetit Raymond Johansen. ‘‘Ne jemi brezi i parë që mund të shohë ndryshimet klimatike me sytë tanë dhe ndoshta janë gjenerata e fundit që ka mundësi të bëjë diçka për të”.- thekson ai.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.