“Udhëtimi, së shpejti me makinat vetëlëvizëse!” Testimet që do të kryejnë kompanitë më të mëdha të automjeteve
General Motors po planifikon të bëhet kompania e parë që do të testojë makinat vetëlëvizëse në New York, vend i njohur për një trafik të rënduar në SHBA dhe në botë.
Prodhuesi i automjeteve me bazë në Detroit, aksionet e të cilit janë rritur 25 për qind javët e fundit, mund t’i mundë rivalët për futjen e shërbimit të automjeteve në një treg masiv dhe do të testojë makinat elektrike, plotësisht autonome të Chevrolet Bolt.
Guvernatori i New York-ut, Andrew Cuomo tha se GM dhe Cruise Automation kanë aplikuar për të qenë të parët në shtet për testimin e makinave plotësisht autonome, vetëlëvizëse.
“Të gjitha testimet do të përfshijnë një inxhinier në vendin e shoferit për të monitoruar dhe vlerësuar performancën, dhe një person të dytë në ulësen e pasagjerëve” tha ai.
Analistët e industrisë së automobilave pohojnë se ky proces do të nxisë më tej zhvillimin e teknologjisë, në një kohë që New York-u shpesh përballet me kushte të vështira në rrugë, ku përfshihet trafiku i rënduar, prania e shtuar e këmbësorëve dhe çiklistëve, duke përmendur këtu edhe motin e keq që përballet shpesh herë vendi.
os.de/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.