Ukraina limiton eksportet e vajit të lulediellit. Kufiri, në 5.38 mln ton, synon të frenojë rritjen e brendshme të çmimeve
Qeveria e Ukrainës dhe prodhuesit e vajit të lulediellit ranë dakord këtë Javë të limitojnë eksportet në 5.382 milionë ton, për të shmangur rritjen e çmimeve në tregun e brendshëm, për shkak të dërgesave të tepërta jashtë vendit. Ukraina është eksportuesi më i madh në botë i vajit të lulediellit dhe qeveria ka thënë se eksportet në sezonin Shtator 2020- Gusht 2021 mund të prekin një total prej 5.52 milionë ton, nga prodhimi total prej 5.92 milionë ton gjatë sezonit.
“Volumi i limituar nuk do ndikojë detyrimet ndërkombëtare dhe ne do ruajmë statusin si lider në tregun botëror”- deklaroi Ministria e Ekonomisë. Shoqata e prodhuesve të vajit të lulediellit i bëri thirrje qeverisë që të shmangë kufizimet në eksporte, pasi mund të sjellë një valë të falimentimeve tek kompanitë në Ukrainë.
Rusia fqinje ka vendosur një tarifë të eksportit për lëndën e parë në 30%. Ukraina ka eksportuar 4.5 milionë ton të vajit të lulediellit deri më tani për sezonin.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.