Ukraina rrit normën bazë të interesit në 25% – Vendimi i Bankës Qendrore u mor për të mbrojtur të ardhurat dhe kursimet

Vijojnë të ndihen pasojat ekonomike të luftës sidomos në vendet e prekura drejt për së drejti nga konflikti. Banka qendrore e Ukrainës  ka rritur normën bazë të interesit nga 10 në 25%, duke shënuar ndërhyrjen e parë pas katër muajsh, që nga fillimi i sulmit rus në 24 shkurt.

Objektivi i vendimit të bankës qendrore në Kiev është frenimi i inflacionit dyshifror – që u rrit në 16.4% në muajin prill – dhe të mbrojë të ardhurat dhe kursimet nga pasojat e konfliktit të vazhdueshëm. Masat stimuluese për ekonominë në prill u rritën gjithashtu në 3.18 miliardë euro, kundrejt një mesatareje mujore të blerjeve të letrave me vlerë të barabartë me 1.87 miliardë euro.

Sulmi i Rusisë ndaj Ukrainës pati një ndikim të fortë në trendin e normës së interesit dhe në Rusi, kryesisht si rezultat i sanksioneve perëndimore kundër Moskës. Më 28 shkurt, 4 ditë pas sulmit në Kiev, banka qendrore e Moskës rriti normat e interesit nga 9 në 20%.

Në atë kohë, veprimet në bursën e Moskës u pezulluan për rreth 2 javë. Më pas, më 8 prill, guvernatorja e bankës qendrore ruse, Elvira Nabiullina, uli normat në 17%, duke i çuar në 14% në fund të prillit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.