Ukrainë – A do të lejojnë një komedian të ulet në vendin e presidentit ?!
Ukrainasit janë në proces votimi për zgjedhjet presidenciale, duke zgjedhur nga 39 kandidatë, përfshirë këtu një komedian, një prodhues çokollate dhe një ish-kryeministre.
Nëse asnjë kandidat nuk merr shumicën absolute të votave, një balotazh midis dy vendeve të para do të mbahet sërish më 21 prill. Tre kandidatët kryesorë janë Volodimir Zelensky, 41 vjeç, aktor dhe komedian, përvoja e vetme politike e të cilit ka qenë roli presidentit në shfaqjet televizive, presidenti aktual Petro Poroshenko, 53 vjeç, një biznesmen milioner që bëri një pasuri për shitjen e çokollatës dhe Ish-kryeministria Yulia Tymoshenko, 58 vjeç, e cila po kandidon për të tretën herë për presidente.
Ukraina aktualisht është e dëmtuar thellësisht nga korrupsioni, të cilin, kritikët e Poroshenko-së thonë se ai nuk arriti ta luftojë, pavarësisht se është zotuar gjithmonë për ta bërë këtë.Nga ana tjetër, vendi po punon për zbatimin e reformave të nevojshme për të mundësuar anëtarësimin eventual në Bashkimin Europian.
Fituesi i zgjedhjeve të së dielës do të përballet me një rrugë të gjatë e të vështirë, e nëse do të jetë komediani 41 vjeçar (që ka kryesuar në sondazhet paraprake) kjo mbetet për t’u parë.
J.V/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.