Ulen borxhet ndaj OSHEE-së – Faturat e papaguara arrijnë në 75.9 miliard lekë, rritje vetëm për privatët dhe ujësjellësit
Borxhi që konsumatorët kanë ndaj Operatorit të Shpërndarjes së Energjisë Elektrike për fatura të papaguara shënoi ulje gjatë 6-mujorit të parë të këtij viti, ndryshe nga 4-mujori i cili kishte një tendencë në rritje. Sipas të dhënave zyrtare, në total shuma e fatuarave të palikujduara arriti në 75.9 mld lekë, nga 76.8 mld lekë, që ishte deri në fund të muajit prill. Ndërkaq, refeuar kategorive ulje e borxhit është shënuar për konsumatorët familjarë dhe institucionet buxhetore, ndërkohë që për institucionet jobuxhetore dhe konsumatorët privatë shuma e papagauar e faturave të energjisë ka shënuar rritje.
Për konsumatorët familjarë dhe institucionet buxhetore kjo është një panoramë e ndryshme nga 4-mujori i parë i këtij viti, që kishte një tendencë në rritje. Ndërkohë që, për peridhën 6-mujore duket se ka një rekuperim të situatës, teksa shuma totale e pashlyer për institucionet arrin në 4.3 mld lekë, ndërsa për konsumatorët familjarë në 45.69 mld lekë që përbën dhe kategorinë më të madhe debitore ndaj OSHEE-së. Klientët privatë kanë një tendencë të lehtë në rritje të debisë së palikujduar, teksa shuma totale arrin në 11.13 mld lekë.
Ndërkaq, prek kohësh situate me institucionet jobuxhetore, ku bëjnë pjesë ujësjellësit është në përkeqësim në drejtim të faturave të palikujduara, teksa për 6-mujorin vlera totale ka arriutur në 14.79 mld lekë, nga 14.639 mld lekë, që ishte deri në fund të muajit prill. Arkëtimet nga Operatorit i Shpërndarjes së Energjisë Elektrike rezultojnë në 96.1%, duke shënuar rritje në raport me periudhën janar-qershor të vitit të kaluar, ku niveli i arkëtimeve ishte në 94.3% e totalit të faturave të gjeneruara nga OSHEE.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.