Ulen infektimet dhe shtrimet në spitale, MSH: “11 viktima, 318 të infektuar dhe 557 të shëruar”
Vijon tendenca në rënie e numrit të infektimeve me Covid-19 në vendin tonë. Ministria e Shëndetësisë njofton se gjatë 24 orëve të fundit janë prekur nga koronavirusi 318 qytetarë nga 1508 testime të kryera. 134 raste janë regjistruar në Tiranë, 29 raste në Fier, 23 në Vlorë dhe 17 raste në Sarandë.
Në 24 orët e fundit janë shëruar 557 qytetarë, duke e çuar numrin e të shëruarve në 32,122 që nga fillimi i epidemisë. Edhe numri i të shtruarve në spitale vijon tendencën në rënie. Aktualisht në 4 spitalet COVID, po trajtohen 296 pacientë, 21 në terapi intensive, nga të cilët 6 janë të intubuar.
Fatkeqësisht me gjithë përpjekjet e mjekëve, 11 qytetarë nuk e kanë fituar betejën me Covid19. Ministria e Shëndetësisë dhe Mbrojtjes Sociale u bën apel qytetarëve, të respektojnë rregullat gjatë festave për të parandaluar përhapjen e infeksionit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.