Ulet numri i vonesave në fluturime – AAC: Kompanitë më problematike. Kompensohen 700 pasagjerë për janarin

Ulja e fluksit të lëvizjes së pasagjerëve drejt dhe nga Aeroporti Ndërkombëtar “Nënë Tereza” ka sjell një rënie të numrit të vonesave dhe anulimeve të fluturimeve gjatë muajit janar. Nga të dhënat e Autoritetit të Aviacionit Civil, “Fly Ernest” vijon të jetë kompania më problematike sa it takon këtyre treguesve, me 7 fluturime me vonesë dhe me një anulim fluturimi.

Ndërkohë, në vend të dytë me 4 vonesa dhe asnjë anulim fluturimi renditet “Blue Panorama”, e cila sipas AAAC-së ka përmirësuar ndjeshëm performancën e saj gjatë muajit të kaluar. Ndërkohë, “Adria Airëays” renditet në vend të tretë, me vetëm 1 vonesë dhe 1 anulim gjatë janarit.

Ndërkaq, sa i  takon kompensimeve, AAC raporton se janë gjithsej 700 kompensime në total, i njëjtë me atë të muajit dhjetor. Ndërkohë, pritet që numri i tyre të rritet edhe më shumë, pasi sipas AAC-së janë pranuar nga kompanitë ajrore rreth 1200 formularë të tjerë ankimimi.

“Blue Panorama” rezulton edhe kompania e cila respekton më shumë të drejtën e pasagjerëve me rreth 500 kompensime të mbyllura dhe një numër të madh në proces. Ndërkohë, “Fly Ernest, krahas vonesave dhe anulimeve të fluturimeve, paraqitet problematike edhe sa i takon kompensimit të pasagjerëve, me vetëm 96 të tilla. “Wizz Air” nga ana tjetër, e cila sipas AAC-së renditet is një ndër kompanitë më serioze në respektimin e orareve numëron 74 kompensime gjatë muajit të kaluar.

Në këtë kuadër, AAC u bën thirrje të gjithë pasagjerëve që kanë plotësuar formularët e aplikimit dhe ka kaluar afati prej 6 javësh që të rikontaktojnë sërish me kompanitë ajrore që kanë patur fluturimin.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.