Ulet sërish kurba e të infektuarve me Covid-19 në Shqipëri! Harta zgjerohet për herë të parë me Kuksin
Ministria e Shëndetësisë, në komunikimin e përditshëm për përditësimin e të dhënave në lidhje me numrin e të infektuarve me Covid-19, bëri me dije se janë shtuar listës dhe 8 pacientë të rinj, duke e çuar kështu numrin total të të infektuarve në 248 pacientë.
Ndërkohë në total janë kryer 4306 testime dhe kanë rezultuar pozitiv 457 raste, ku 50% e tyre kanë fituar betejën me virusin ndërsa vetëm 24 prej tyre kanë humbur jetën. Për momentin, në të dyja spitalet e vëna në dispozicion për Covid-19, në total janë të hospitalizuar 46 pacientë.
Sa i përket hartës së të infektuarve ajo është shtrirë më tej për herë të parë në Kukës dhe është shtuar në Tiranë dhe Shkodër, ku përqendrohet dhe numri më i lartë i të infektuarve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.