Ulja e evazionit fiskal – Tatimet miratojnë një plan operacional për periudhën Shkurt-Mars

Ekonomia shqiptare është shoqëruar nga një nivel i lartë informaliteti gjatë  viteve të fundit. Për të ulur këtë fenomen që në  mandatin e parë  qeveria ndërmori një aksion ndaj informalitetit i cili u shtri në disa sektorë dhe u nda në disa faza.  Një ndër institucionet  më të përfshira në këtë aksion është Drejtoria e Përgjithshme e Tatimeve.  Tashmë që  ky aksion ka hyrë në fazën e tretë të tij Drejtoria e Përgjithshme e Tatimeve, ka miratuar  një  Plan Operacional për periudhën Shkurt – Mars 2018, ku kryesisht do të zbatohet  nga  Drejtoria e Hetimit Tatimor. Sipas njoftimit zyrtar  të këtij institucioni, ky plan është hartuar në funksion të parandalimit, zbulimit dhe ndëshkimit të evazionit fiskal dhe paligjshmërisë në fushën e tatimeve.  Zbatimi i tij do të shtrihet në të gjithë territorin e vendit duke u përqendruar në verifikimet e subjekteve për:

1.Kontrollin për dokumentimin me faturë tatimore të mallrave që përdoren, ruhen, transportohen në tatimpagues të ndryshëm;

2.Marrjen e masave administrative dhe penale për goditjen e evazionit fiskal;

3.Verifikim të subjekteve për lëshimin e kuponit tatimor në vlerën reale të produktit/shërbimit në raport me listën e afishuar të çmimeve;

4.Regjistrimi i subjekteve tregtare në QKB dhe në organin tatimor;

5.Instalimi, përdorimi i pajisjeve fiskale dhe lëshimin e kuponit tatimor;

6.Verifikimin dhe deklarimin e punonjësve në organet tatimore;

7.Të tjera verifikime që mund të dalin të nevojshme gjatë ushtrimit të kontrolleve

Violeta Shqalsi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.