Ulja e TVSH për librin – Ymeri: Më e larta në BE, të reduktohet deri në 6%

Ulja e TVSH për librin  nga 20 % në 6% si edhe ajo e taksës për krijimtarinë kanë qenë këto dy kërkesat kryesore të shoqatës së botuesve  shqiptarë në komisionin e  edukimit dhe mjeteve të informimit publik gjatë diskutimit të buxhetit.

Për kreun e shoqatës, Petrit Ymeri, Shqipëria ka takë më të lartë të librit krahasuar me vendet e BE dhe qeveria duhet të ndërhyjë  për uljen e saj, gjë e cila do të reflektojë, sipas Ymerit, në uljen e çmimit të librave por edhe në rritjen e cilësisë së tyre.

Krijimtaria  në  vendin tonë aktualisht taksohet me 15%, shifër e cila është cilësuar e padrejtë dhe mjaftë e lartë nga kreu i shoqatës. Ymeri kërkoi më shumë investime për bibliotekat në vend të cilat prej vitesh nuk janë të pasuruara me libra.

Nertila Doko/SCAN     

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.