Ulje e kostove bankare – Shoqata e Bankave kërkon vazhdimësinë e punës me Ministrinë e Financave
Spiro Brumbulli, Sekretari i Përgjithshëm i Shoqatës së Bankave, i ftuar në emisionin “Argument”, ka folur për gjendjen aktuale të sistemit bankar dhe financiar në Shqipëri. Krahas rritjes së cilësisë teknologjike dhe kushteve të sigurisë në banka, ai ka folur për problemin e vendimit të fundit të rritjes së pagesave përmbarimore si dhe për ndërhyrjet e domosdoshme ligjore për të ulur kostot e operimit.
Sekretari i Përgjithshëm i Shoqatës së Bankave, Spiro Brumbulli, krahas përshëndetjes për mbledhjen e parë të saj, ka kërkuar nga qeveria e re vazhdimësinë e bashkëpunimit për disa ndryshime ligjore fiskale të cilat kanë për qëllim uljen e kostove për klientët e sistemit bankar. Këto ndryshime ligjore duket se do të jenë në vëmendjen e ministrit Ahmetaj dhe kabinetit qeveritar.
I pyetur mbi shëndetin e sistemit bankar, Spiro Brumbulli ka theksuar ecurinë pozitive të bankave që operojnë në Shqipëri duke cituar nivelin e lartë të mjaftueshmërisë së kapitalit si dhe rezultatet siguruese nga “stress testet” e vazhdueshme të Bankës së Shqipërisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.