Ulje taksash për karburantet? – Muço: Qeveria “e bllokuar” për shkak të borxhit dhe defiçitit buxhetor. Të rriten kontrollet
Çmimet e karburanteve në tregun me pakicë shënuan vlera tw reja rekord, teksa mbi 50% e çmimit janë taksa dhe tatime. Për ekspertët e ekonomisë reduktimi i tyre është një alternativë, por ata shtojnë se qeveria e ka të pamundur të ndërmarrë këto masa për shkak të deficitit buxhetor dhe borxhit publik, që aktualisht janë në nivele shumë të larta.
Për të disatën herë me radhë çmimet e karburanteve në tregun me pakicë shënuan rritje, duke arritur në vlera rekord prej 269 lekë/litër, ndërkohë që mbi 50% e këtij çmimi janë taksa dhe tatime. Për ekspertët e ekonomisë reduktimi i tyre është një alternativë për të ulur çmimin, por ata shtojnë se qeveria e ka të pamundur të ndërmarrë këto masa për shkak të deficitit buxhetor dhe borxhit publik, që aktualisht janë në nivele shumë të larta.
Muço sjell në vëmendje edhe rafinerinë e Ballshit, që mbulonte rreth 30% të nevojave të tregut, por që aktualisht nuk ekziston më.
Ndërkaq, përveç rritjes së çmimit të karburanteve, si pasojë e çmimeve në bursë dhe taksave , Muço thotë se edhe Autoriteti i Konkurrencës duhet të ndërhyrjë, për të kontrolluar operatorët e tregut, të cilët mund të koordinohen me njëri-tjetirn për rrtijen e çmimeve.
Gjithashtu, duke sjellë shembullin e Maqedonisë, eksperti thotë se duhet të ngrihen edhe grupe të veçanta pune nga ana e qeverisë për të monitoruar ecurinë e çmimeve në tregun e pakicës.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.