“Ulni TVSH-në e turizmit në 10%”/ Operatorët, gati draftin: Të ulen dhe tarifat aeroportuale për fluturimet charter
Operatorët turistikë kërkojnë uljen e TVSH-së turizmit në masën 10%, si dhe uljen e taksave aeroportuale për avionët charter, si 2 forma që do të stimulonin zhvillimin e këtij sekktori.
Kreu i Unionit, Rahman Kasa tha se drafti me ndryshimet e propozuara është gati, ndërkohë që për reduktimin e TVSH-së, parimisht ka patur dakordësi edhe nga FMN. Gjithashtu, gjatë vitit që vjen synohet të nisë standardizimi dhe certifikimi i operatorëve turistikë, ndërkohë që në subvencionet synohet të arrihen në vitin 2021.
Ndërkaq, Kasa njoftoi nënshkrimin e një memorandumi me Unionin grek të Opertorëve Turistikë, me qëllim hartimin e paketave të integruara për turistët kinezë, të cilët do të mund të kalojnë minimalisht 2 ditë në Shqipëri. Një praktikë e ngjashme do të ndiqet edhe me Bullgarinë.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.