Universitetet, struktura e re e pagave për rektorët, dekanët dhe profesorët. Vendimi i ri, shtesat që përfitohen për çdo orë mësimi
Publikohet struktura e re e pagave për personelin akademik në Institucionet Publike të Arsimit të Lartë. Përveç pagës së plotë që përfitojnë rektorët, dekanët dhe profesorët, janë publikuar së fundmi edhe shtesat në pagë për çdo orë mësimi. Sipas vendimit të fundit të qeverisë përfitimet janë si më poshtë:
a) Kur janë në kategorinë “Profesor”, përfitojnë 1 320 (një mijë e treqind e njëzet) lekë për çdo orë 60-minutëshe;
b)Kur janë në kategorinë “Profesor i Asociuar”, përfitojnë 1 210 (një mijë e dyqind e dhjetë) lekë për çdo orë 60-minutëshe;
c)Kur janë në kategorinë “Docent”, përfitojnë 1100 (një mijë e njëqind) lekë për çdo orë 60- minutëshe;
ç) Kur janë “Lektor i parë”, përfitojnë 880 (tetëqind e tetëdhjetë) lekë për çdo orë 60- minutëshe;
d) Kur janë “Lektor”, përfitojnë 660 (gjashtëqind e gjashtëdhjetë) lekë për çdo orë 60- minutëshe;
“Efektet financiare që rrjedhin nga zbatimi i këtij vendimi, për vitin 2017, do të përballohen nga fondet e politikës për rritjen e pagave. Ky vendim hyn në fuqi pas botimit në Fletoren Zyrtare dhe i shtrin efektet financiare nga data 1 mars 2017”, thuhet në vendim.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.