Universiteti i Tiranës në kolaps, Koni: Buxheti 2017, bordi dhe kancelari nuk kryejnë procedurat përkatëse
Futja në kolaps e Universitetit të Tiranës është e qëllimshme sipas Rektorit të këtij Universiteti. Në një dalje për mediat Prof. Mynyr Kon ka hedhur akuza mbi kancelarin dhe bordin e administrimit të cilët që pas miratimit të buxhetit 2017 nuk kanë kryer procedurat përkatëse.
Rektori ka vijuar më tej me problematikat e universitetit ku ka denoncuar faktin se edhe pse është informuar Ministria e Arsimit vijojnë të paguhen punonjës të cilëve u është ndërprerë marrëdhënia e punës.
I pyetur nga RTV SCAN për vlerën e tenderimit dhe të mirëmbajtjes së sistemit informatik në Universitetin e Tiranës, Koni shprehet se kanë qenë më shumë se 1 miliardë lekë që janë tenderuar.
Rektori i Universitetit të Tiranës bënë apel që t’i jepet zgjidhje kolapsit në të cilin është futur universiteti, në të kundërt do të jetë i detyruar që të mbledhë senatin dhe të kërkojë shkarkimin e bordit administrative e më pas t’ia paraqesë këtë vendim Ministrisë së Arsimit.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.