Urdhri i Leskajt: “KLSH nuk do publikojë raporte gjatë fushatës elektorale”

Kontrolli i Lartë i Shtetit ka vendosur që në periudhën mes 23 majit dhe 27 qershorit të mos publikojë raporte auditimi me gjetjet në subjekte të ndryshme që kanë kaluar në këtë sitë.

Sipas një urdhri që mban firmën e kreut të këtij institucioni Bujar Leskaj bëhen të ditura edhe detajet. “për shkak të Zhvillimit të fushatës elektorale në vend dhe evitimit të keqpërdorimit të materialeve të publikuara nga KLSH  urdhëroj: Vendimet e Kryetarit të KLSH mbi auditimet e ushtruara në subjektet nuk do të publikohen në uebin e institucionit gjatë periudhës elektorale që përkon me zgjedhjet e organeve legjislative” thuhet në urdhrin e Leskajt.

KLSH prej kohësh ka krijuar një traditë të publikimit të uebin e saj të raporteve të auditimit që përmbyllen për subjektet në një variant të shkurtuar.

Publikimet mes të tjerave përfshijnë abuzimet e gjetura, rekomandimet e bëra si dhe një afat për zbatimin e tyre.

Nertila Maho/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.