Ushqime të pasigurta për konsum – AKU asgjëson rreth 50 ton produkte dhe kryen mbi 490 inspektime në të gjithë vendin
Autoriteti Kombëtar i Ushqimit bën me dije se ka kryer 492 inspektime dhe monitorime në të gjithë vendin gjatë 24 orëve të fundit.
Sipas njoftimit gjatë kontrolleve zyrtare për garantimin e sigurisë ushqimore në operatorë të biznesit janë dhënë 7 masa me paralajmërim përgjithësisht për rinovim të librezave shëndetësore dhe rinovim të analizave të ujit.
“Ndërkaq referuar Planit të Marrjes së Mostrave janë marrë 24 mostra në monitorim të produktit qumësht si dhe gjithashtu me kërkesë të vetë subjektit janë asgjësuar një sasi prej 49 ton produkte ushqimore”, shkruhet në njoftim.
AKU njofton se në zbatim të Urdhrit nr.28 datë 21.10.2020 “Për bashkërendimin e inspektimeve për zbatimin e protokolleve të sigurisë në kuadër të Task-Forcës anti COVID-19” inspektorët e DRAKU-ve përveç monitorimeve të subjekteve kanë këshilluar 378 qytetarë për mbajtjen e maskave për parandalimin e përhapjes së COVID-19.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.