Ushqime të pasigurta për konsum – AKU vendos 650 mijë lekë gjobë një subjekti tregtar
Autoriteti Kombëtar Ushqimor njofton se gjatë kontrolleve zyrtare në operatorët e biznesit ushqimor janë dhënë 18 masa me paralajmërim për mungesë të librezës shëndetësore të personelit, tejkalimit të afatit të planit DDD, mospërputhje me kornizën ligjore dhe rregullatore të sigurisë ushqimore për çështje të skadencave të produkteve ushqimore, mos plotësimit të kushteve higjieno-sanitare.
Sipas njoftimit janë lënë detyra për operatorët e biznesit ushqimor për përmbushjen e detyrimeve të tyre përkundrejt bazës ligjore dhe garantimit të sigurisë ushqimore dhe referuar Planit Vjetor të Marrjes së Mostrave me bazë risku janë marrë 43 mostra në produkte ushqimore të natyrave të ndryshme.
AKU bën me dije se ndaj një subjekti u morën masat administrative me Paralajmërim dhe me Gjobë, në vlerën 650.000 lekë për mos respektim të protokolleve të sigurisë ushqimore.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.