Ushqime të skaduara – AKU asgjëson mbi 7 ton produkte dhe ndërpret aktivitetin e një biznesi
AKU njofton se ushtroi 132 kontrolle zyrtare dhe monitorime në të gjithë vendin gjatë 24 orëve të fundit në: fabrika vaji, magazina ushqimore, përpunim qumështi, pastiçeri, baxho, përpunim peshku, kategori e veçantë, furrë buke, etj.
Sipas njoftimit gjatë kontrolleve zyrtare sot janë dhënë 24 masa administrative me paralajmërim për aktivitet jo në përputhshmëri me kornizën ligjore dhe rregullatore të sigurisë ushqimore dhe 1 gjobë për ushqimi të pasigurtë, duke bllokuar një pjesë të aktivitetit të subjektit.
AKU bën me dije se gjithashtu është ndërprerë në mënyrë të menjëhershme aktiviteti i një operatori të biznesit ushqimor për cënim të sigurisë ushqimore dhe asgjësuar sasia e 7.358 ton produkte ushqimore ndërsa referuar Planit Vjetor të Marrjes së Mostrave me bazë risku janë marrë 5 mostra produktesh për analizim të treguesve fiziko-kimikë, mikrobiologjikë, kryesisht në produkte me origjinë shtazore.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.