Ushqime të skaduara dhe mungesë standardesh sigurie – AKU vendos 8 masa administrative dhe asgjëson mbi 170 ton produkte

Trupat inspektuese të AKU-së kanë kryer gjatë 24 orëve të fundit 361 inspektime dhe monitorime në të gjithë vendin edhe si pjesë e Task-Forcës Anti-Covid duke vijuar monitorimin në biznese dhe në të gjitha nivelet e sistemit arsimor në përmbushjen e protokollit të sigurisë, si rruga e vetme në shmangien e përhapjes së virusit.

AKU bën me dije se po kryen veprimtarinë për verifikimin e standardeve në fushën e sigurisë ushqimore në të gjitha subjektet prodhuese-përpunuese të produkteve ushqimore, si dhe monitorimin e qumështit lëndë e parë dhe mbetjeve pesticide në fruta-perime.

Sipas njoftimit gjatë inspektimeve janë dhënë 8 masa administrative me paralajmërim, për mos sistemim të ambienteve të prodhimit, mungesë të librezave shëndetësore si dhe mungesë të planeve 3D ndërsa referuar Planit të Marrjes së Mostrave janë marrë 27 mostra në monitorim të qumështit dhe në analizim të fruta-perimeve për mbetje pesticide.

Ndërkaq po sipas AKU me kërkesë të vetë një subjekti është bërë asgjësimi i një sasie prej 177.53 ton produkte ushqimore me afat të kaluar përdorimi.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.