Ushqimet karakteristike të vendeve Europiane
Ushqimet janë njëkohësisht nevojë dhe kënaqësi për njeriun. Por disa ushqime janë kaq ikonike sa ju nuk do të mund të largoheni nga një destinacion të caktuar pa e provuar ushqimin që e karakterizon. Është e pamundur të shkoni në Napoli e të mos provoni pica, apo të shkoni në romë e të mos hani akullore, për të mos përmendur këtu vajtjen në Belgjikë e largimin prej saj pa provuar Ëaffelin e shumë përfolur. Më poshtë do të gjeni një listë me destinacione dhe ushqimet karakteristike të tyre.
- Itali
Kuzhina italiane është shumë e njohur dhe plot finesë. Kur bëhet fjalë për këtë kuzhinë nuk mund të lëmë pa përmendur pastat, picën si dhe akulloren që mund të hani në Romë. Në vendin tonë kuzhina italiane është shumë e përhapur dhe mjaft e preferuar.
- Belgjikë
Kuzhina belge është perceptuar gjithmonë si kuzhinë franceze, ndaj dhe nuk ka gatime shumë të veçanta specifike. Por kur të jeni duke vizituar Belgjikën nuk mund të largoheni pa provuar waffelin belg, me një shumëllojshmëri frutash me shije të jashtëzakonshme.
- Greqi
Kuzhina greke jo vetëm që noton në vaj ulliri apo në verën e kuqe të shoqëruar me meze, por është një ushqyerje e shëndetshme. Djathi I grirë nuk mungon kurrë në një tavolinat greke, gjithashtu djathi feta ose siç njihet ndryshe djathi grek është shoqërues në çdo tryezë.
- Rusi
Klima e ftohtë ka pasur shumë ndikim në kuzhinën ruse. Supat janë shumë të njohura, veçanërisht ajo me panxhar, që është një nga më tradicionalet. Si pjata dytësore janë çomleku dhe patatet. Pula përdoret gjithashtu shumë. Ushqimi është zakonisht me shumë kalori dhe shërbehet me alkool.
- Turqi
Kuzhina turke nuk ka karakter homogjen. Përveç disa pjatave tipike, të njëjta për të gjitha krahinat e Turqisë, ajo ka shumë specialitete rajonale. Ushqimet karakteristike të vendit janë aq të shumëllojshme dhe të pasura sa mund të thuhet me siguri se bëhet fjalë për një vend me traditë të jashtëzakonshme. Fjala vjen, në veri të Turqisë, kuzhina bazohet tek misri dhe açuket. Në juglindje janë të famshme qebapi, mezet dhe ëmbëlsirat si, bakllavaja dhe kadaifi. Në pjesën perëndimore të Turqisë ullinjtë janë me bollëk dhe vaji i ullirit është shumë i përdorur. Në brigjet mesdhetare, të Egjeut dhe detit Marmara kuzhina është tipike mesdhetare dhe është e pasur me perime, erëza dhe peshk. Anadolli qendror është i famshëm për specialitetet e përziera e kështu me radhë.
- Gjermani
Pa dyshim që Gjermania numërohet ndër vendet ku patatja hahet shumë. Dhe tradita e kuzhinës gjermane thotë se mishi me patatet përbëjnë një vakt të vërtetë. Sidoqoftë kuzhina gjermane unike nuk ekziston, sepse çdo rajon ka specialitetet e veta. Një specialitet nga rajoni i Rinit është për shembull sauerbraten, mish i trashë i futur në thartirë, që tradicionalisht bëhet me mish kali.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.