Ushtarë dhe tanke në rrugët e Kilit-Nuk ndodhte që prej kohës së diktatorit Pinochet. Shënohen viktima
Kili është përfshira nga trazira të forta duke rikthyer në vemendje imazhe që nuk ishin parë që prej vitit 1990. Vendimi për të rritur çmimin e biletave të metrove e të transportit publik solli filimisht një valë protestash paqësore nga radhët e studentëve e të qytetarëve. Por me kalimin e ditëve, protestat përshkallëzuan në dhunë.
Protestuesit dëmtuan stacione të shumta të metrove dhe të urbanëve ndërsa qeveria mori masa duke nxjerrë ushtrinë në rrugë. Nga këto protesta raportohet se kanë humbur jetën 3 persona ndërsa vendi ndodhet në gjendje të jashtëzakonshme.
Patrullimi i ushtrisë në rrugët e Santiagos e qyteteve të tjera të Kilit është një veprim që nuk shihej që prej vitit 1990 kur Kili iu rikthye rrugëssë demokracisë pas diktaturës së Augusto Pinochet.
Presidenti aktual kilian ka njoftuar pezullimin e vendimit për rritjen e çmimit të biletave por kjo nuk ka mjaftuar për t’i dhënë fund protestës që duket se ka dalë jashtë kontrollit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.