Ushtrimi i profesionit – 100 psikologë në shkelje me ligjin. Verifikimi në terren në fund të Nëntorit
Urdhri i Psikologut prej 8 muajsh po kryen procedurat e regjistrimit dhe licencimit të psikologëve.
Bazuar në ligjin 40/2016 neni 7, asnjë psikolog nuk mund të ushtrojë profesionin në rast se nuk pajiset me lejen individuale të ushtrimit të profesionit ose nuk anëtarësohet në Urdhër. Ndërkohë, është konstatuar se ka ende psikologë të cilët nuk janë regjistruar në Urdhrin e Psikologëve që vazhdojnë të ushtrojnë profesionin.
Kështu, bazuar mbi njoftime të individëve, institucioneve dhe psikologëve, është ngritur një listë me mbi 100 psikologë të cilët ushtrojnë aktivitetin e tyre në shkelje të plotë me ligjin.
Në këto kushte, Komisioni i Etikës do të fillojë shqyrtimin e dokumentacionit të tyre. Emrat e tyre do t’u vihen në dispozicion organeve tatimore dhe ligjore në mënyrë që të ndërmarrin masat e duhura.
Verifikimi në terren për mënyrën e ushtrimit të profesionit sipas ligjit do të fillojë në fund të këtij muaji. Ai do të bëhet nga një grup task – forcë, i përbërë nga përfaqësues të Urdhrit të Psikologëve.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.