Ushtronte aktivitetin me mjete të ndryshkura – AKU mbyll restorantin e dasmave në Peshkopi

Restorantet e dasmave vijojnë të mbeten nën shënjestrën e kontrolleve të Autoritetit Kombëtar të Ushqimit. Trupa inspektuese e DRAKU Dibër ka bllokuar subjektin me aktivitet ‘Restorant për dasma’ pasi kryente veprimtari në kundërshtim me standardet e sigurisë ushqimore.

Konkretisht, në subjektin me vendodhje në Shupenzë të Peshkopisë, u konstatuan ambiente me myk, lagështi si dhe mjetet e punës në kuzhinë ishin totalisht të amortizuara.

AKU ka gjobitur subjektin me 300 mijë lekë si dhe ka vendosur bllokim të menjëhershëm të aktivitetit. AKU fton të gjithë qytetarët që të denoncojnë çdo rast apo tentativë abuzimi.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.